O Concello de Pontedeume festexa un ano máis a tradicional Festa Infantil do Samaín, o vindeiro martes 31 de outubro.

Animamos ás familias a participar nesta programación, que ten como obxectivo manter viva unha tradición e recuperar unha festividade moi antiga, de orixe celta, que realizaban a véspera do Día dos Mortos para festexar o final da tempada de colleita, adicándose a preparar a conservación dos alimentos para pasar o inverno.

Esa noite difuminaba o límite entre o mundo dos vivos e o dos mortos, por iso os vivos decoraban as súas casas con adornos, principalmente cabazas, e mesmo se disfrazaban de mortos para que as ánimas pasasen de largo.

A festa comezará ás 17:15h. na Praza Real para trasladarnos todas e todos á Alameda de Raxoi.

Será un día para saír, pasear e gozar coas máis pequenas e pequenos da casa.