Praias
Praias de Pontedeume
Pontedeume é un concello irmanado co mar. Como tal, conta con diversos espazos nos que gozar do mar e dos seus recursos. Algúns destes espazos son as cinco praias que ten o termo municipal, ademais doutras pequenas calas accesibles para quen prefira unha maior tranquilidade.
As praias de Pontedeume son de diverso tipo e tamaño, equipadas con servizos e ideais para un turismo familiar pois son de augas tranquilas as situadas no fondo da ría, e con ondas de pouca forza as que están en augas máis abertas.
Sopazos
43° 24′ 41.9″ N – 8° 10′ 29.1″ W
Praia situada dentro de perímetro do casco urbano, nas inmediacións do peirao, baixo a ponte do ferrocarril. Zona de fondeo de embarcacións. Conta con duchas e aparcadoiro no peirao.
Centroña
43° 24′ 37.8″ N – 8° 11′ 40.8″ W
Situada en Centroña, aproximadamente a dous quilómetros de Pontedeume pola estrada da costa con dirección Miño. Conta con duchas e aparcamento na pista de acceso.
Ver
43° 23′ 51.3″ N – 8° 12′ 41.5″ W
Praia de ámbito semiurbano con 150 metros rectilíneos. Con camping próximo. Conta con duchas, zona de aparcadoiro na zona de acceso, locais de hostalaría e outros servizos.
A Insua
43° 23′ 07.8″ N – 8° 13′ 13.4″ W
Praia en ámbito rural, resgardada dos ventos con augas tranquilas. Moi visitada por naturistas e nudistas. Conta con duchas e aparcadoiro na zona de acceso.
Andahío
43º 22′ 30,990″ N 8º 12′ 54,359″ W
Praia ubicada en Boebre, límite natural co concello de Miño. Ten unha extensión de 200 metros por 45 de ancho. Augas tranquilas e ondada moderada. Conta con duchas, aparcadoiro na zona de acceso, locais de hostalaría e servizos próximos.