Primavera no Camiño Inglés, o sábado 22 de xuño nos Xardíns de Méndez Núñez (A Coruña).

O Concello de Pontedeume participa na iniciativa Primavera no Camiño Inglés, que inclúe ao longo de todo o día diversas actividades gastronómicas e culturais, obradoiros para crianzas, baile, música, un mercado de artesanía e moito máis.

Será nos Xardíns de Méndez Núñez o sábado 22 de xuño entre as 11.00 e as 20.00h.

Impulsada pola Deputación da Coruña, esta iniciativa busca poñer en valor este itinerario xacobeo, reunindo aos 18 concellos polos que este discorre.