Este sábado, desde as 19 horas na Casa da Cultura de Pontedeume, realizarase a presentación final dos proxectos realizados polo Clube de Innovación Horizontec durante os pasados meses.

Esta iniciativa dota ás rapazas e rapaces de entre 13 e 16 anos das ferramentas que precisan para o desenvolvemento do seu talento e ten como obxectivo crear
oportunidades para a mocidade e impulsar as súas inquedanzas empresariais, a través de proxectos baseados na innovación tecnolóxica.

Programa:

19:00 horas. Presentación: Pablo Botas, investigador e director da iniciativa Horizontec.
19:10 Presentación de proxectos:
* Espertador para persoas con problemas auditivos.
* Maqueta dun pavillón de baloncesto robotizado.
* Sistema de tracking de xogadoras de baloncesto.
19:30 Charla para mentes innovadoras: “A importancia da motivación”. Javier Bosch. Presidente de NBN23.
20:20 Entrega de diplomas

Non dubides en achegarte e coñecer esta iniciativa.