O Concello de Pontedeume vai iniciar un curso de formación en materia de tempo libre e ocio, dirixido a todas aquelas persoas que queiran obter o título de monitora/monitor de tempo libre (para desenvolver actividades socio culturais e recreativas de especial interese para a infancia e a xuventude). O curso de monitora/monitor de tempo libre homologado pola Xunta esixe de dous requisitos básicos para as persoas que queiran realizalo: ser maior de 18 anos e ter o título de graduado escolar ou o título de E.S.O.

Información e inscricións no Departamento de Servizos Sociais do Concello entre o 1 e o 15 de marzo, o número máximo de prazas son 25.