O Concello pon en marcha un programa integral de loita contra a soidade non desexada, dirixido a ofrecer apoio, acompañamento e atención personalizada á veciñanza maior.

A iniciativa combina atención presencial, telefónica e accións comunitarias, promovendo un modelo de envellecemento activo e saudable.
Novo servizo presencial: todos os luns, de 11:00 a 13:00h.
Un espazo de escoita activa, orientación e acompañamento.

Este programa, co apoio da Deputación da Coruña, busca previr e detectar situacións de illamento social, construíndo unha comunidade máis coidadora, onde envellecer signifique facelo acompañado e con calidade de vida.