Horario: 19:00-21:00 horas

“Enfocando á muller silenciada” é un traballo baseado na propia experiencia do autor.
Despois de fotografar en diferentes países as accións cotiás que a muller realiza, o xornalista José Luis Fernández Liz conclúe que se lle segue outorgando un papel secundario, que o trato é discriminatorio e que a desigualdade sexual segue sendo notable.
Con este traballo o autor pretende poñer en evidencia o inxusto trato que a sociedade outorga á muller e faino baixo o obxectivo 5 da Axenda 2030 para o Desenvolvemento Sostible, aprobada pola Asemblea Xeral das Nacións Unidas en 2015, que non é outro que lograr a igualdade entre os xéneros.
José Luis Fernández Liz é lucense, fotógrafo, xornalista e catedrático de Administración de Empresas. Publicou libros de economía, de fotografía e de viaxes.